26.11.2018.

Kad mladog vina ni dosta, menja se i percepcija mosta

Je da smo bliži hiži, al je i most malo niži

Hiži sam se bliži, al sad hitno moram stati. Zelenko je dobil nove potkove, pak je nekak počelo škripati. A hitno moram i piškiti.

Dok ja odem na pi-pi, konobarici sam rekel da natoči dva gemišta z nove bačve direkt na pipi. Na vratima sam srel starog Kostu, kaj je gledel ravno prema novom mostu. Kosta veli da je novi most baš lipi. Lipi moj Kosta, čekanja je bilo dosta.

- Dečki, sad bute pak doma mogli poprečki - veli Barica, v Amfori nova konobarica.

Drmnuli smo saki po škropec stoječki i aman-taman kad smo šteli z birtije van zajti (nekak su nam naglo prešli cajti), il se nismo mogli odmah snajti, pak smo ravno prema novom mostu prešli i vrag nam neda mira.

I, dok tak stojimo i čeznutljivo most gledimo, veseli kaj bumo sad bliži hiži, nekak nam se taj novi most čini niži.

U napast nas je valda prevzel vrag (ne valda ko do sada dragi Bog), gladimo od staroga mosta trag... Je, bome je... Puno je niži.

- Al tu još dojde asfalt - veli Kosta. Ma da deneju i asfalta pol metra, falilo bu do ruba ceste još deset centimetra. Morti buju cestu spustili, a mosta zdignuli? Od tolko mladog vina i mostu bu porasla visina. Kaj ak se na proleče Gradna zdigne, bu tekla prek mosta? Joco daj si spi još nekaj pak gremo doma. Kaj ima veze kaj je novi most koma, glavno da moremo opet poprečki doma.

Oko pol noći konobarica je rekla da maknemo Zelenka, jer tu treba vjutro kamion asfalta dojti. Dodala je da smo bedaki, tak je rekla i v Amforu potekla, jer joj je vani zima. Mi smo joj šteli objasniti da se u ovom stoleću menja klima, da je jučer bilo leto, a danas je zima. Donesla nam je na most još litar kuhanog vina – bormeč je vani fest zima.

Nakon toga smo osetili i da se most klima. Kosta je rekel da mu se za most fučka i kaj se njega tiče to je kraj priče. Ja sam isto rekel da se sad tu nasred nedovršenog mosta osječam nekak haj-haj. I onda smo rekli mostu bye-bye.

Most ni rekel niš. Bar zasad. Kaj ak dojde plimni val? Onda bum do Čudomerščaka prek Gračeca valjda plival.

Aj živeli, bumo več videli...

Romeo Ibrišević

 

Kad mladog vina ni dosta, menja se i percepcija mosta

Arhiva 2018

2019

2017

2016

2015

2014

2013

2012

2011

2010

2009

2008

2007

2006

2005

2004

2003

2002