Glasnik-SSNInformativno glasilo Samobora i Svete Nedelje

Kroz trnje i čičke do izvora Bistraca

Zasrana školjka naša je stara boljka

Gacam po šikari i vodi do kolena i jedva se gibam. Iščem izvor potoka Bistrac. Prošel sam več i Mlin iz bajke i spominjem se po spisku (naročito majke) svima uzvodno. Pa kaj nisu mogli malo ovo počistiti, bar stazicu održavat da ne zaraste? Pripovedal mi je Josip Grgos kak je tu negdar bil (prije 70 let), kad ga je za ruku pelala učiteljica. Celi njegov razred gledal je kaj iz zemlje zvire. Ta mu je slika kak dečecu u pameti ostala i ni danas mu ne da mira. I zato sam ja sad tu usred tog drača, grmlja, kupine...

Rekel je Grgos da mu napravim sliku tog izvora (nek košta i milion), da bu ju on obesil tu vu kleti. Maknul bu se one drugarice kaj su zabile obleč opravice i izvora si bu na zid obesil. Ja sam rekel da to ima puno smisla. Vinčeko v lajtu, a na zidu voda teče. Bolje neg da ju vu bačvu meče.

Evo, tak se sad vlečem kak kusa čez trnje i draču. To ne bi delal ni za vlastitog čaču. Več mi od tolke vode kraj mene ide slabina, al nis ni ja od čera. Litru sem zel, to mi je za tih vuru cajta taman mera. Još da mi je frtal kruha i kolut jegera...

Od tolke vode mi se sad i piša, a počela je škrapati i kiša. Pa nis se valda vu toj šumetini zgubil? Čujem po huku da sam tu nekak blizu. Pa izvor je sake reke valjda na početku. Služil sam ja JNA. Tam je deviza bila: "Kartu čitaj, seljaka pitaj". Selakov tu više odavno nema, a za kartu mi trebaju očale. Gledam malo okolo leptire, malo orijentire. Orijentiri su mi blizu – truli frižider z desne strane, pak guma od kamiona 50 metri dalje. Onda kantice od ulja raznih proizvođača. Sečam se da sam na cilju kad projdem hrpu kantica od Sandolina.

Idem kroz grmlje se brže, kak violina. Još jen šljok vina. Onda mi je naglo došla mučnina. Na samom izvoru pitke vode novi orijentir – keramička zahodska školjka (zasrana). O sveta Madona! Mam sam se primil telefona: "Joža, nem ti lagal, činjenično stanje na potoku Bistrac je čisto sranje. Nem ti lagal – strahota, Božja grehota. Halo? Nekaj prekida. Je, živ sam i idem k tebi. Ne brini, nis se ftopil. Nekaj bi si hitno popil. Sipaj ono z novog lajta, nabavi beglajta, ovo ti nemrem pripovedat trezan".

I tak smo nas dva do jutra uz litražu popevali borbene i pevali s izvora blamažu. Pesmicu smo počeli u prozi – hteli smo opisati doživljaje fotografa hitroga na izvoru potoka bistroga. To bi bil celi roman! Al ko bi to čital?

Joža več sad teško diha, pak smo se latili stiha:

Sjedi Hrvat do Hrvata

Rukom se za srce hvata

Drugom rukom baca školjku

Ravno preko Bistraca

Korak napred, eto guma, eno tamo frižideraaaaaa dvaaaaa

Pa još karnistera, plastike,

lonci, rajngle, kubik toga dobra meraaaaaa

Ajmo bračo sa izvora Bistracaaaaa

Napraviti da nam voda opet bude čista

Slušajte sad bračo mila poruku od svetog Blaža

Najvažnije od svega sad je reciklaža

Ajmo bračo, sviiii promijenimo stanje

Nemremo više gledat ovo sranje

I zato saku stvar u svoju novu kantu deni

Za čisti Bistrac – spremni.

I tak se ori več treči dan iz Grgosove špilje, gdi smo se zaprli. Da nismo tak fest kričali, njegov bi Štefek mislil da smo hmrli.

A onda je prešel saki sebi doma, jer smo zaključili da taj gorki okus vode s potoka nekad bistroga ne bi sprala ni hekta vina čistoga.

Na vodu bumo prešli kad turistički djelatnici smisle neki novi slogan. Bistrac kak nigdar ni zgledal.

Romeo Ibrišević

• Registrirajte se za komentiranje
• Pregled komentara (0)