Glasnik-SSNInformativno glasilo Samobora i Svete Nedelje

Samo kaj je počišćeno, pak su idioti zasrali šumu

Treba ih loviti po otisku riti!

U slušalicama mi popeva Mišo Kovač. Veli da ostanem tu, da svoje snove čuvam samo za nju i da nek poljubim zemlju po kojoj hodim. Meni, pak, kad vidim kaj ljudi uz put hičeju dok se teže spelavam peške na breg prema Otruševcu, dojde da si zapopevam: "Ja nemam više razloga da živim".

To kaj z auta ne vidim, jer samo cestu gledim, ovak peške se vidim. I snimim. A kaj da vam velim... Morali buju naučenjaki zmisliti nekaj. Ak su zmislili da najdu lopove po otisku prstih, il kak mi velimo parklih, morti buji zmislili da bedake najdu po otisku riti. Al, sumnjam da bum ja to doživel u ovoj Lepoj našoj.

Je, Hrvatska je baš lepa zemlica. Samo šteta kaj o njoj brineju Hrvati. O, mila moja mati, zbog tih slika čera nis mogel spati. Sakoga takvoga bedaka po otisku riti treba globiti! Stolci stari, zahodske školjke, bide i se to hitit uz cestu!? Pa tek su sad pre par dana se počistili! Kam taj svet othaja?! Nekim ljudima bi fakat trebalo odrezat jaja! Il takvim kurčevitima treba odrezat onu stvar do kraja. Takav zakon treba u Saboru izglasat još do kraja maja! Ja se javljam za dobrovoljca. Rezal bi bez milost tupom britvom i dezinficiral starom koprivom.

Veliju učenjaki da smo zemlju već dvaput potrošili. To se vidi po ekološkom otisku. To je zato kaj nismo rezali, nek smo se ustezali. Predugo smo se z bedakima natezali. Nismo ih obrezali!

Ja sad idem pod brajdu u Kolarski breg. Veli punac da treba i lucne vezati. Onda bum se sel na klupicu i tam svoj ostavil otisak riti.

Slike Otruševca morem pozabiti samo ak počnem fest piti. Ajde, živeli!

Romeo Ibrišević

• Registrirajte se za komentiranje
• Pregled komentara (0)