Glasnik-SSNInformativno glasilo Samobora i Svete Nedelje

Gorka sudbina naše puce Lidije Bertović

Imala je opravu belu i prala veš vu hotelu

Čudan sam ja čovjek, priznajem to javno. Valjda zato kaj živim na Čudomerščaku. Čudni su svi koji su tu ikad bili. Da sam to pre znal, nebi kuću ni kupoval. Taman kad sam se doselil, prvi i jedini se sused obesil. Rekli su zbog politike. Čudno. Svašta sam prošal otkad sam tu došal. U zadnje vreme imam čudne snove. Imam osječaj da sam nekak čudan i dok sam budan, al kaj mogu, još sam drag Bogu. Živim od danas do sutra, od večeri do jutra. Zbog tog suseda kaj je hmrl, politiku slabo pratim. Da si život ne prikratim.

Ipak, vrag mi ne da mira i kad se zbudim, obično prvo pročitam novine, i to one s kojima potkurim kamin. Žal mi ih je hitit, jer ih nis pročital. To kaj su stare tri leta mene ne smeta. Taman sam htel šibicu vužgati, kad vidim naslov na tim starim novinama. Idem po očale, bez njih već slabo slova pratim, a naslov je velki, debela slova zauzmu gotovo stranice pola: Smijenjena ravnateljica Plitvičkih jezera. Bertović na razgovoru u policiji. U podnaslovu piše: Razlozi za razrješenje su to što je ministar Mihael Zmajlović bio krajnje nezadovoljan strategijom i vizijom upravljanja Parkom, rekao je Hini izvor u ministarstvu. Da u ministarstvu imaju izvor, to nisam znal. Znam ih sve po Žumberku, al za taj u ministarstvu ne znam. Valjda zato kaj vodu slabo pijem. Bertović? Lidija? To je ona gospođa s pletenicama kaj je bila ravnateljica Parka prirode Samoborsko gorje. I Plitvičkih jezera, ak me pamet ne vara. Sečam se nje. Kak se ne bi sečal. Takve pletenice ne vide se svaki dan. Novine su bile stare tri leta. Da sam ih skuril prije, ne bi možda bilo ove čarolije… A ovak se to zbilo.

Kad zakurim kamin, idem na plac i kupim si pak nove novcate novine, i to samo one kaj crnu kroniku prate. Za dobro jutro bermeta si spijem. Jučer sam malo testiral. Probal sam Pavlina, a onda prešal na Filpca. Još su imali bocu koju je delal stari gazda. Otprli su i onu kaj spravlja mladi. Nikak da se odlučim. Jedan sam od čudaka kaj voli žufko. Videl je konobar da se mučim pa je rekal da probam malo slatkog vinca. Donesal je Šafranovog Traminca. Je... Nema bolšeg. Onda je konobar otkril da i Fabek dela bermet. Ja sam rekal da i moj sused Kirin dela beli portugizec, a i bermet mu je fini. Sve sam testiral i skrahiral. Od tolke pijače više nisam bil pri zdravoj pameti, al da idem doma nije mi bilo ni na kraju pameti. Uglavnom, bil sam u fazi adio pameti. Sve mi se nakak u glavi okretalo, kak da mi je neko rondal po glavi bušilicom kaj na boreru nema vidiju. A onda kad sam več doma krenul, malo mi je mozak skrenul i nekak mi se učinilo da vidim Lidiju. Onu s naslovnice iz afere, kaj auto kupuje i veš pere. Bila je bez kečke, a ja sam bil vesel kak dete kad dobi nove zvečke.

I kaj da vam velim – prešli smo na kavu, bar mi se tak činilo. I sve ono kaj je pisalo v novinama se zbilo. Pisalo je da je prala veš u hotelu, a ja sam videl da je imala opravu belu i rifljaču i bila na Gradni. Pisalo je da kupuje za hotel skupo cveče, ja sam videl kak glavobolke u vazu meče. Rekli su da se skupo oblači, ja sam videl da se pred mojim Zelenkom svlači. Pisalo je na plotu… To se zbrisalo, niš ni pisalo i nije imalo veze s ovim slučajem. Lidiju sam pital kaj je tu istina, kaj je laž, ko tu koga dribla i jel istina kaj novine pišu. Ona je rekla da novine lažu. Sve ti je to farsa, pa nisam ja pala s Marsa. Ja mislim da sam joj rekal da su žene opale s Venere (neke su to i prijavile pa su se posle predomislile), a da su muški opali s Marsa, to sam negde isto u starim novinama čital.

Nisam znal kak sam pod stol opal. A ona je govorila da je cela istina na njenom blogu. Nek čitam, ak mogu. Hvala dragom Bogu, ja još mogu stat na svoju nogu. Bar sam mislil da mogu. A bez očala nis videl niš na tom blogu. Oči mi idu po ekranu, suze kak sline na bananu, al ne vidim niš, slova sitna, a priča bitna. Lidija pita jel mi sada sve jasno, ja sam rekal da je bilo krasno, al da je to sve niš ak nema slike. Požalil sam joj se da me nekaj pri srcu pika. Dalje ne znam kaj je bilo i kaj se zbilo. Od tog bloga bil sam sasvim iznemogal. I da velim po istini, slabo se razmem u tog vraga-boga, vidim da kasnim, moram si nabaviti tog fejsboka.

Zbudil sam se oko 10 navečer i to zato jer televizor nisam zgasil. Neki je tip jako kričal i rekal da on neda Liku. Emisija se zvala Lika za početnika. Prepoznal sam ga. U novinama je u zadnje vreme bilo puno njegovih slika. Da sam ih bar skuril. Provjeril sam jel to taj. Mila majko, to je on. Prije neki dan rikal je ko slon da neda svoj bankomat i da bu svakom ko mu ga zeme strgal vrat. Slušam ga, nekak govori sada tiše. Čudno… Ni to ni na pol onaj od neki dan Ličan. Možda je to neki drugi tip prilično sličan. Il je ovaj dvoličan.

Jasno mi je di sam. Na Čudomerščaku. Televizor dela, ja kak tele gledam oko sebe. Di je moj aparatlin? Ostal u Dali-Daliju. Kaj se nisam zbudil prije. Jurim do birtije. Brzo sam videl da mu niš ne fali. Konobarica u ekran Olympusa gleda i moje slike fali. Kakva mačka, di si je vlovil? Kaj je neka stranjska, jel to Fašnik? Ovogodišnji ili je slika lanjska? Gledam i ja i vidim i bez očala da je na slikama neka mala. Kak je nutra zašla, od kud joj ta oprava, jel to Lidija živa i prava? Da me deneju na detektor laži, da me muče, da me ministar policije osobno tuče, ja ne bi znal kak sam to slikal dok sam spal. Nisam vam niš lagal. Zaključil sam samo da je zbilja krajnje vreme da se okanim pijače.

Doma sam se vrnul fletno, sve stare novine skuril, pretplatu sam otkazal, a slike nisam nikom pokazal. Kopam po blaženom Internetu, tražim logična objašnjenja: Lidija (grč. Λυδία) je žensko biblijsko ime grčko-hebrejskog je porekla, i ima značenje: rođena od boga, rođena u Lidiji. Hm. Neš ti pameti, internetske enciklopedije. Da je žensko, to se jasno i bez očala vidi, da je cura ko bog i to znam bez Interneta. Di je zemlja Lidija, nis našal na karti, a i nema veze. Glavno da nije iz Like – trenutno mi na taj pojam mozak ima smetnje i tona i slike. A sad idem ravno na Fašnik, del si bum kapu ličku i glumil Darka. Onog iz Jurassic Parka. Ak me v rešt zapreju, ja bum za inat drugo leto glumil lički bankomat, splel si bum duge pletenice i zašil vmesto vrata šlic i postavil bum se di me nebuju nigdar našli – na Plitvička jezera. I ak me otpreju na silu, vidli buju kaj je mera, kakva šaka sa srednjaka, ak otpreju tog bankomata, buju vidli kak vriri med kupicom dlaka faca veseljaka s Čudomerščaka.

Kaj oni misle da sam ja bedak? Sve sam pokopčal. Sva sreča da čitam novine stare, inače nikak nebi ukapiral današnje vesti. Sad mi je jasno da je Lidija pala jer nije lovu dala. Kome? Ma dajte najte. Mislil sam, zna se. Ispalo je da su isti i ovi i oni. A trebalo je biti mi ili oni. Hm. Nema toga kad su u igri milioni. Moram sad hitno prekinut, jer negdo mi na vrata zvoni. To mora da su oni. Oni kaj postavlaju retrivere i analne priklučke kaj meču. A stoput sam rekal da to neču.

Romeo Ibrišević

• Registrirajte se za komentiranje
• Pregled komentara (0)