Glasnik-SSNInformativno glasilo Samobora i Svete Nedelje

Jedan malo neobičan oglas

Leti TAM-ić kak tić

U dvorištu kod Vidovića, u selu Šimraki, ima baš svega. Ima fižidera, ima veš mašina… ima sigurno i koja igla, da ne govorim samo kolko tu ima starih cigla. Lokomotiva je isto bila al je odfućkala. Bile su i tri folcike: plava, bela i žuta kaj su Iveku bile odane, al one su prošli mesec prodane. Ostal je ovaj kamiončić kaj je godinama išal sim - tam. Pak opet sim. Mislim, do Šimraka je uvek došel. Kilometri ni preveč prešal i još se ni zdošel. Ima i nove gume i ceradu, idealan je za posliće u Samobor gradu, jer vam vredi B kategorija (ak me dobro služi memorija). Uglavnom kamiončić zgleda kak bombončić. Slike su tu pak vidite. Veli Ivica da bi on rajše prešal pol sveta nek se navčil delat oko interneta. I onda je prosil mene da ak morem to oglasiti da bu mi dal ak treba i krvi iz vene. Fala, nebu trebalo valda, al ak baš zagusti nek koju kaplu pusti. Kamiončić vredi puno više, al dal bi ga Ivek za 14.500 kuna gdo tu cifru na ček napiše. Čast sakome al na veresiju neda nikome. Tak je Ivica rekal da napišem i naslikam jer on iz Šimraka nejde nikam. Dost mu je grada i gužve… si samo nekam bežiju i loču kak spužve. On pak na friškom žumberačkom zraku čeka da si dojdete po vozilo. Najbole po danu al ak ne stignete morete do Šimraka i po mraku. Samo javite na broj telefona 092 220 33 117. Šifra „Leti TAM -ić kak tić“. Prvi i jedini vlasnik Ivica Vidović.

Romeo Ibrišević

• Registrirajte se za komentiranje
• Pregled komentara (0)