Glasnik-SSNInformativno glasilo Samobora i Svete Nedelje

Tam di negdo smeče meče, a neki pak dečko curu sleče

Te hrđave kioske nemrem trezan gledat

Policajac mi je dal samo pisano upozorenje. Rekel je da ak bum pak po cesti išal sim-tam, da me z rešta nebu niko zvlekel van! Pozelenil bum v reštu kak Zelenko. Još bum zeleniji! Još me je pital da di sam ja to polagal? Ja sam se nekaj o izbegavanju korone zlagal. I tak sam onda išel gledat di sam ja to dobil vozačku poduku i zmislil sam se. Tam između Merkatora, kaj se sad zove Konzum i onog kaj popravla dizel pumpe. Je, točno tu je i sad neki poligonček. Dok sam ja bil mlajši, se je nekak izgledalo veče. Bome su tu iste one bele crte, i iste su tu crne gume. I oni čunjeki crveni, isti ko negdar, blago si ga meni.

Bog i bogme, i sad kak i onda, tu negdo navek smeče meče. Po tragovima vidim da još navek tu neki dečko curu sleče. Morti i kaj meče. Ni mi žal, dojde mi milo kad se zmislim kak je to polaganje ispita negdar bilo. Al da te hrđave kioske od onda nikam ne odvlečeju, ni mi baš bistro. Sigurno bi tu bilo lepše, jer bi bilo čisto. A bilo bi i više mesta. I v zavoj bi mogla iti ta kratka cesta. Al stvar je to percepcije, koncepcije, kontracepcije... Nek si saki zeme kaj mu paše. Al nigdo tu niš ne dira, ostale su prazne flaše, grmlje, trnje, kurtoni, kartoni, stare flašice, od pive, vina... O, Lijepa naša domovina...

Ni kilometar nema do slovenske granice. A tam se mam drukča slika kaže! Nis tam videl takvega poligona, ni hrđavih kioska, ni starih vagona. A pri nama je več iz tih kioski jalša zrasla!

Da su tu bar krave pasle ili taj drač pobrstile koze. Nemrem ovo trezan gledat. Dajte mi loze, more i šljive. Na ljutu ranu najbolje paše ljuta trava. Užas jedan i strava! Ak tu gvožđuriju neko ne makne, jalša bu zdigla te kioske kak kilu mele, pa budu visili na jalši da se bu vidlo se do Dežele. Dajte mi rakije, nek hmrem, nek me rakija vubi.

Celom svetu bum kričal da svoj narod Hrvat ljubi, ak nas prije korona sve ne vubi.

Romeo Ibrišević

• Registrirajte se za komentiranje
• Pregled komentara (0)