Glasnik-SSNInformativno glasilo Samobora i Svete Nedelje

V Rudarskoj dragi pak se orila usna harmonika

Zvučni je zid Dida napuhal 93. put!

Za Didu Grgosa u Rudarskoj dragi si znaju. Bogu fala, još navek zna i on za se nas. Oni kaj ga duže poznaju veliju da je Dida celi život hodil bos i da je navek fučkal kak kos. I nigdar ni rival v tuđe stvari svoj nos. Al, kak i negdar, tak i den denes Dida zna se. Veli da je poznal čak i moje pokojne dedu i baku. I nigdar ni taj iskal v jajcima dlaku.

Pamti Dida dok se delala i moja hiža na Čudomerščaku. Kak dečko je z mešalice zidarima nosil morta. Zato me je i zval na ročkas, da kušam kakva mu je rođendanska torta. Došli su gosti z vulice - susedi si. Brojim svečice na torti - točno ih je 93!

A delicija pri Štefkovićima na stolu kak na svadbi. Moram priznat da su meni češnofke bile jako fine, a na rudarsku greblicu su mi išle sline. Bilo je tu zbilam sega, a ono kaj mi se najviše dopalo je kaj ni do jutra sfalelo dobrega vina.

Kak da velim - atmosfera je bila milina!

A onda se vsred rođendana Dida naglo zdignul... Mislim, morti ide tam kam i car ide peške ili si ide skrivečki v podrum po još onoga finoga vina.

Al se je Dida mam vrnul i rekel da ni prešel u Volavlje, i da kakvo bi to bilo slavlje, i kakva bi to bila za uspomenu rođendanska slika, kad na njoj ne bi bila usna harmonika! Ne jednu, nek dve je mam Dida donesel.

I onda smo si vu glas složno zapopevali: "Sretan ti rođendan, sretan ti rođendan, sretan ti roooođendan". Dida je igral usnu harmoniku da se se prašilo, z batinom je ritam tukel... Pripovedal nam je kak je kak dečko fejst... bumo rekli burno i nesputano živel. Do pol noći je Dida harmoniku napuhaval, a ja sam ze susedom sakom tancal i skoro sam zakuhal.

A Dida Grgos ni štel ni mogel stati. Pred jutro smo mu poželeli dobro zdravlje i da bez gnjavaže u životu doživi stotu.

A sebi smo poželeli da i mi svi doživimo bar devedesettri - samo da nas, ak Bog da, taj virus korona se ne potamani...

Romeo Ibrišević

• Registrirajte se za komentiranje
• Pregled komentara (0)