Niste korisnik? Registrirajte se..
25.12.2023.
Marijan Sokolović pojačal je iluminacije, sam ih poslikal, al bi štel da se to vidi i odozgoraBez brige, šaljemo gore drona!Još jen Badnjak i još jemput sam pri Marijanu Sokoloviću. "Kaj ne buš došel, ko obično? Poslikat malo...", pital me je par dan prije prek telefona. Kak ne bi, velim i naručim se za preksutra. A gore, u Okićkoj 13, blešči kak nigdar prije. Marijan me čekal na cesti. "Dodal sam još par stvari, malo sam pojačal ovo leto... I se sam poslikal, ne trebaš ni vaditi fotoaparata", veli i mam mi šalje z vocapom. Čudo od čoveka. V se se razme. Malo smo se seli, pospominali o poslu, o temu kak njemu i dalje ide, a meni i dalje nejde, zmislili se Sine i tak... I onda mi još proda ideju. Da jel znam nekoga ko bi to poslikal ze zraka. Inače, negda, dok smo bili mlajši, to se delalo z helikoptera. Danas je lakše. Gore se pošale dron kaj na sebi ima zvezanu nekakvu kameru, ti ga odozdola vodiš na baterije i on to snimi na film. "Kak ne bi imal, moj mali ima z dečkima firmu, se živo snimaju...", velim mu ja i tak se dogovorimo, popijemo si i rastanemo. Mam sam zval maloga, on dečke i, kak več to ide... Mam se zakompliciralo. Jen od nečega povrača, drugi ima temperaturu... Mladi dečki, a se betežno. No, bumo jen dan došli, poslali gore drona i si na svetu buju imali priliku videti kak se to blešči na bregu, pri Marijanu. Robert Škiljan
|
Marijan Sokolović pojačal je iluminacije, sam ih poslikal, al bi štel da se to vidi i odozgoraArhiva 2023
2024202220212020201920182017201620152014201320122011201020092008200720062005200420032002 |