18.12.2022.
Naš je ekoterorist čačkal mečku i zvlekel se na mačku
Vatrogasci mesto šumara - mozak mi to umara
Suseda je rekla nek više ne čekam dečke iz samoborske šumarije. Najbolje je zvati vatrogasce. Ona ih navek zove i mam dojdu kad joj treba z bora skinut mačke, jer ih ni nafčila iti dol z dreva naglavačke.
Ovaj put se malko zlagala i rekla da je bor opal i pričepil mačke. Princip je isti, samo kaj je malkice naopačke.
Bome su vatrogasci došli za pet minuta i makli drevo kaj je visilo na strujnom kablu prek puta. To su stvarno spretni i pravi dečki! Spilili su to suho drevo, na hrpu složili, da smo rekli - još bi nam i naložili!
Lepo smo im se si skup zafalili, a suseda je mudro povedala da nek onu šumariju zovem tek u proleće i povedam im da, kad nisu do sad došli po suho drevo, nek onda tu bar zasade friško.
Romeo Ibrišević
|