Glasnik-SSNInformativno glasilo Samobora i Svete Nedelje

Naš suradnik - ekoterorist of put nije vadil motorku, al ak počne...

Kad dojdeju ovi iz šumarije z dečkima...

A lepo sam ih prosil, kumil sam i preklinjal... dojdite brže. I konačno su došli i dugo su gledeli ta dreva kaj su se zrompala nasred Čudomerščaka. Do tad sam ja ta dreva zvlekel da ne smetaju prometu, al motorku nis vadil. To se ne sme. I rekli su da sam dobro napravil. Kam bi došli kad bi saki pilil po hrvatskim šumama kak se zmisli - tak su mi rekli.

Ti stručnjaki iz šumarije su obećali dojti drugi keden. Rekli su da ovaj put dojdu z dečkima. Mislil sam si: pa ne buju valda s curami!? Rekel sam im da buju do onda dreva opala i strujne kable potrgala. Oni su rekli da ne buju.

A ipak su danas dreva opala. Kaj drevo zna koji je dan.

Ja ovaj put niš ne diram. Dreva kaj nisu trebala opasti baš su se nekak zadela na kabel od struje. Baš onak kak sam im i rekel da buju. Ne drevima, nek onim stručnjakima iz šumarije.

Vakula veli da bu zutra sunce zasjalo, pak bu ziher po Čudomerščaku tekla reka planinara.

Nis pital drevo kad misli precvikati strujnoga kabela. Ja si onda nekak mislim da bu šumarija nahebala.

A morti i ne bu.

Nis ja stručnjak, pak nemrem reči... A morti šumari ipak dojdu... Neki drugi keden, kak su i rekli...

Romeo Ibrišević

• Registrirajte se za komentiranje
• Pregled komentara (0)