01.08.2019.

Naš lutajući reporter ponovno muku muči s otpadom

Sve je to stvar percepcije

Hmmm… videl sam ja i veće hrpe smeća nek je ova, al ipak sam išal pitat u Komunalac zakaj je to tak. Rekli su mi da je to stvar percepcije. Zavisi, gospon, kak gledate na te stvari. To vam je kak ono s čašom… Nekom je polupuna nekom pak poluprazna...

Razmem, razmem... Moj punac meni natoči navek pol čaše vina, jer pijem čisto. On sebi isto sipa pol čaše vina pak si natoči radajnera do ibera. Njegova je navek puna, a moja ostaje polupuna - bar on tak veli. Ja mislim da je poluprazna. On je u pravu, naravno, kad sam ja uvek u krivu. Ja mu velim da je istina u vinu, a on tvrdi da nigdo nigdar ni ispravil krivu Drinu.

Prešal sam onda opet čera na tu poziciju (negdi na pol puta zmed Dragonoša i Jarušja) i opet snimil tu istu kompoziciju (sad iz drugog kuta), pak si mislim kolko to još trebam okinut puta da bi mi se promenila ta percepcija. U Komunalcu su mi ovaj put objasnili da je takva njihova odvozna koncepcija. Još u ova ruralna područja nije provedena otpadna separacija. "Takva vam je trenutna situacija, gospon dragi". Onda sam ja zdahnul i rekal "Bože blagi".

Hmmm… a morti je u Dragonoš i Jarušje došlo živet puno više ljudi pak je prepun kontejner pitanje demografije pa zato zglediju tak grozno te fotografije. Il je stvar kontrakcije. To vam je ono kad muž dojde doma bez da se javi pa vidi da je sused v krevetu s njegovom ženom. Tad dojde do kontrakcije. Žena obično tad jako vriska, ona ženska stvar se stiska oko one muške stvari koja je susedu u ovom slučaju jako bitna. Tad sused obično, kak bi rekal Bandić, nahebe...

To istina nema veze s Komunalcem, neg onda puno posla ima hitna. Neznam zakaj mi je to palo na pamet - gruntam, gruntam.

Morti zato kaj bi smeće u tom kontejneru trebalo jako stisnuti.

A morti pak Komunalac ipak treba deti tu neke veće kante. Da je nemre sto ljudi napunit do Svetog Ante. A ak je ljudi v selima manje, a svi vele da je tak, onda je to stvar kontracepcije. Tu se nebi štel mešat. To je za demografiju. Ja sam zadužen za fotografiju.

Onda sam opet išal u Komunalac pitat kaj s tim kontejnerom pa su mi rekli da mi percepcija krivo dela od alkoholne polineuropatije. Narodski rečeno sipanje iz šupljeg u prazno, mlačenje prazne slame i trošenje novinskog papira.

Hmm… priznajem, možda da za Komunalac nemam simpatije, al kak to niko ne vidi da je ovdi potrebna hitna akcija, nekakva reakcija...Pa kaj to vidi samo naša redakcija?

R. Ibrišević

 

Naš lutajući reporter ponovno muku muči s otpadom

Arhiva 2019

2018

2017

2016

2015

2014

2013

2012

2011

2010

2009

2008

2007

2006

2005

2004

2003

2002