Glasnik-SSNInformativno glasilo Samobora i Svete Nedelje

Naš stalni suradnik, supatnik i izvjestitelj iz Same Jame, pak je trznul na Sraku i najavil Starogradski Fašnik na struju

To nam ne gine: od prave mašine, do olupine!

Kak se zna, Sraki ne treba auto, ona, kak i saka tica, svom jatu leti. Al' njen Princ je čul da su sad vu modi auti na struju, oni kaj ideju, a opče se ne čuju.

I, koga bi drugoga za pametan savet Sraka zvala, nek mene!

Znamo se sto let i se smo prešli skup. Od onog cajta olupina, pa do sad, kad njenom zakonitom Princu treba prava mašina. Sraka je rekla da je ovo jubilarno leto 198., od kad joj je na svadbi del venčanog ringa, pak je zato pri Vasilju kupila strujnog Springa. Da bi bila sigurna da joj nisu prodali ni muda ni vesla, prešla je v Zageb do muzeja Nikola Tesla. Tam je čovek kaj o struji se zna, jer v glavi ima više od tri zrna soli, rekel da i on strujne aute voli.

Se joj je pregledal, ni mu smetala zima, a ni sneg. Dve vure se je oko auta vlekel i ni se lako predal. Tankirali su v autek mam par miliona volti struje, napunili ga do čepa! Frcale su iskre, letelo je perje...

Sraka još i sad malo šepa, al' i dale more lepo popevat i još je zgodna i lepa. Auto je Princ mam parkiral v garažu, a del Fiškala na stražu. Kolko sam videl, Sraki ni rekel ni fala, ni piš me vrit. Prešel je mam v Podmornicu pit.

I pre sam čul da veliju da je lubav slepa. Meni se čini da ni normalan, da se onakav klempavi Princ uz ovakvu feš curu šlepa. Više mi taj zgledi na robota il' mamuta. A gdo sam ja da kontroliram Gospodnjega puta?!

Samo nek oni sretni buju. Danas sam nafčil kak na jen kup deti ljubav i struju. Ni baš lepo za reč, al' na kraju, srečom, ipak spalili ga buju.

Mene to, fala na pitanju, niš ne smeta.

Ak' vama nekaj ni jasno, kad, kak i zakaj trebate zmaskirani dojti v Samobora, poglečte si blaženog interneta.

Romeo Ibrišević

• Registrirajte se za komentiranje
• Pregled komentara (0)