Samoborski vinogradari i vinari noreli su samo jen dan
Zdignuli se i zaplesali prignuti ljudi!
Fašnik je gotov i več smo vu korizmi.
Ko je zdržal - zdržal je, ko ni probal - nek muči i čeka drugo leto.
Na zajdni dan Fašnika, vu noči pred Pepelnicu, samoborski su se vinogradari, vinari, robovi trsja i njegovi štovaoci i ovo leto našli vu Brenti. Bila je to prilika de se vidiju onakvi kakvi zapraf i jesu i moraju bit. Ne samo prignuti pod trsom, i po suncu i po kiši, ze škarami v ruki, kad vežeju, špricaju, okopavaju, bereju i brente nosiju, več kad se malo popije, zapleše i zapopeva.
A još bolše - kad se baš se ne vidi i kad niko točno ne zna ko je v kvaru, a koji samo glumi da je.
I, baš lepo, ni bilo rasprave čije je vino bolše, ni bilo žirija, a ni bilo ni onoga - ko se lepše nalarfa, čija je maska lepša i kaj bi to trebalo značit.
Ne znači niš.
Važno je tu jednu noć društvo, zabava, pripovetka o temu kak je bilo i kak tek bu, ko je koga videl da je bil z nekim il koja je za koju čula da je bila negdi di ne treba i, još gore, z kim...
A trajalo je, bogme, skoro do pred jutro. Još da v sredu ni bil radni dan, ne bi se rastali do pondelka.
A kaj bi i zakaj bi.
Posel ne bu pobegel.
I sad, vu korizmi, pak smo se zmislili Sine. Ni on bil nekakvi velki vernik, nedajbog... Al bi se tih dan nekak pritajil, stisnul se vu se... Kad bi videl da ga hiče, ni doma vozil iznad 30 na vuru. Nigdar! Osim onda dok je još bil mlajši, al tega se ni najstariji ne zmisliju.
I još je neke regule on poštival, al to nek ostane med nami.
Robert Škiljan
- Registrirajte se za komentiranje
- Pregled komentara (0)