Našeg suradnika, ekologa, fotografa i zmučenu dušu z Čudomerščaka zamalo je fulala pečina
Otkotural bi si ja nju najrajše sebi doma, al...
Opet se zrumpala velka pečina z Čudomerščaka, točno ober moje hiže, preskočila cestu za Rude i zabušila se v zid tvornice Ghetaldus. Ufff, kak da mi sudbina hoče reči da mi je se bliži dan kad više nebum pil vina. Da me je poklopila, za sekundu me mogla kak mačka z lica zemle zbrisat pak ne bi imal gdo ovog tekstića pisat.
Vesel kaj sam živ i zdrav (kaj i vama želim!), mam sam prešel to javit v Komunalac. Tam su, moram priznat, bili fini i pristojni, v zrak su zdigli palac al su mi stručno elaborirali da pečinu nisu dirali jer se ona "nalazi na privatnom posjedu". Ja sam rekel da je pečina opala z državne zemle, da je mogla nekoga poklopit i sikaj sam još prostoga rekel jel sam bil tak jako znerviran da sam si na kolodvor mam išel bermeta popit. Duplog.
I tak, već danima gledim tu pečinu i osečam gorčinu, jer se zmislim da je tu negdar bil Kristal, pak su to kupili neki Slovenci. Onda je došel Ghetaldus, puno ljudi je tu delalo jen cajt, a onda, kak to pri nama biva kad se preveč sniva, navukla se nekakva mrena siva. Čujem da se kompleks sad prodaje i da bu tu skoro staračka hiža.
Bormeš je to dobro, kak da je po mom, prvi bum se išel zapisat vu taj novi dom.
Od tud bum bar, ak mi se nebu dopalo, lakše doma zbrisal. Nekak sam od tog študiranja malkice pokisel, polahko sam hodil i teže disal.
I dok me nigdo ni glede,l na pečinu sam nacrtal križa. Ženi sam doma se potanko rastumačil. One nofce kaj čuvam za črne dane nek potroši na frizuru i nek razdeli sinu i kćeri. Ja sam si ovu pečinu, kaj ju nigdo neće, posvojil i sad je samo moja, pretvoril bum je v spomenik ljudske gluposti.
Kad hmrem, nek me se z tom stenom poklopi, nek neko zagrabi malo vode z Gradne i nek me župnik fejst poškropi.
Na pečinu sam del i jenu strelicu ispod znaka križa - kaže levo, da se zna di mi je bila hiža.
Otkotural bi si ja nju najrajše sebi doma, al su me nekak zadnjih dana stisnula križa.
Romeo Ibrišević
- Registrirajte se za komentiranje
- Pregled komentara (0)