Glasnik-SSNInformativno glasilo Samobora i Svete Nedelje

Naš suradnik, ekologog, fotograf i geolog razmatra padanje kamenja pod Starim gradom

Tresli se auti zrušil se je kušin

Zrumpal se je velki kamen ispod samoborskog staroga grada. Ni to ona čuvena "stina" kaj je tam negdi oko Knina, a popevaju o njoj da je osobno od kralja Zvonimira. Ova naša gromada zrompala se sirota iz čista mira.

Nigdo nezna kak je i zakaj opala. Susedi su mam rekli da je to Božji znak jer da bu se točno tu kopal tunel kaj bi išel ispod staroga grada i zišel v Rakovici. Ta teorija o tunelu traje još od kad sam ja bil mali. Neki pak pripovedaju da je kriva voda kaj se smrzavala pak se širila i onda je stena zletila z krilima il tak nekak... Da je tome tak, onda bi se i moj frižider več raskopal i odsklizal z doma do suseda Librića.

A ja znam da je za to kriv natalitet.

Ste čuli da nam raste? Mislim, kak kome, al to je ziher zato kaj je stena opala. Pa valda znate kak se deca delaju. Ziher ne dok se riba lovi. Kad se deca delaju, fejst se krevet drma. No negda tatek i mamek ne stigneju do kreveta, pak se drmaju v autu. Ne baš na cesti, dok se voziju, nek oni staneju negde sa strane. Di stignu. Videl sam više put da je tu baš lepo skrito mesto ispod te stene. Morti su tu napravili i mene, pak sam zato i živel tu, na Čudomerščaku.

Čul sam da oni kaj popevaju da je to stina Kralja Zvonimira sad bi šteli da im taj kamen bude jastuk. Sikakvih ljudi na zemli ima.

Kaj se mene dotikavle moreju si ga slobodno odnest doma materi kad su tak pametni da si kamenje mečeju pod glavu. Znam da nisu oni siromaki krivi. Krivi su geni kameni.

A vama, ak dojde da se nekam skrijete dok dok se imate radi nejdite pod stene di je stari grad. A bome se moraju pričuvati i planinari kaj tu ostavljaju prek vikenda svoje auteke kad idu do Velkga Dola.

Jer, ak pak dojde do neke natalitne greška, morali buju doma peške.

Romeo Ibrišević

• Registrirajte se za komentiranje
• Pregled komentara (0)