Glasnik-SSNInformativno glasilo Samobora i Svete Nedelje

Na zabite: denes je Svjetski dan planina

Pod cerinskim slapom - fico skup z ratkapom!

Slap Cerinski vir "otkrili" su samoborski planinari, vracajuci se iz Mesiceve kuce na Japeticu. Bil je to ožujak godine 1927. i bilo je vec kasno popoldan. Grupu je vodil Stjepan Šoic, predsednik HPD-a Japetic. Vele kronicari da su skrenuli z glavnog puta pa prek potoka Javorec. Na Smerovišcu su si šteli još nekaj spiti pri Dumicu. Put ni bil lahki, trajalo je to više od dve vure. Jako su se zmocili, a sušili su se pri Dumicu di su im seljaki rekli da niko normalan tuda još ni išel. Oni su pak bili tolko oduševleni glavobolcekom iz Mladine i Jaske da su im glave zutra bile kak daske, tak da nigdar više nisu tuda hodili.

A koji je vrag mene teral da idem baš tim putom nakon više od sto let, ne bi znal reci. Bil sam sam, niko me ni vodil i, da nemam sliku, ne bi bilo ni tona. Bog i bogme, priznal bi i na sudu da trezan baš nis bil, vodu z potoka nis pil, jer je ni bilo. No, blesav nis, a vi ak ne verujete, lepo se prešpancirajte još denes pa bute vidli isto kaj i ja. Tek da znate da sam tekel kakti slap, ravno sam hodil po suhu koritu. V dimižonki više nis imal vina, v grlu mi se posušila slina i zato sam bejžal pod breg kak da imam 15 let.

Dal bi ja tada pol ledine, kaj mi je darovala pokojna strina, da mi je bilo bar pol litre vina. Morti me je baš tad strefil tremens delirium, kad sam videl usred slapa plavog ficijus bez gum. Ma bile su tu i gume, samo malo doli niže, birtiji bliže. Da samo znate kak se niz slap teško zajde... Spuzal sam nekak, cetveronoške po riti. Pri sv. Patriku su mi dali piti. Dobro se zmislim da sam im pripovedal kak su negda auti morali cvrsti biti. Kaj vi mislite, kulko je let taj fico putoval od Cerine do slapa tak poprecki, kad sam ja jedva došal stojecki?!

Da, i nis vam rekel najvažniju stvar, još sam pri slapu našel stari televizor, akumulator, ficekov prozor i retrovizor. Televizor ni delal, al prozor je bil ko novi. Zglancan, cist i blista ko glavni glumac v onom filmu Moje pjesme moji snovi. Mam sam si zapopeval Hrvatsku sine voli i nek ti bude cvrst ko stina. Il, po domaci, kak pecina.

I zato si dimižonku zemite i do Cerine krenite. Danas je Svjetski dan planina.

Romeo Ibriševic

• Registrirajte se za komentiranje
• Pregled komentara (0)