Glasnik-SSNInformativno glasilo Samobora i Svete Nedelje

MIROSLAV BURIC 31.10.2011. – 31.10.2014.

Samobor - velki grad za male ljude: Kad je tak, onda zbogom!

Prije tri godine zauvijek je otišao Miroslav Buric. U sjecanje na našeg dugogodišnjeg kolumnistu i dragog prijatelja prenosimo njegovu zadnju kolumnu o Samoboru i Samoborcima, koju kao da je napisao jucer.

Hvala ti, dragi Buja.

Kad je tak, onda zbogom!

Samobor je malo mesto. Dobro, Hrvatska je i mala država, pak niti ne mre imati cudaj velikih gradova. Zagreb je dost. I prevec. On nemre biti mera za ostatak države. Teško je tu i nekakvu pravu meru najti. Proglasili smo velke grade, one prek 35 jezer pucanstva. Tak da je i Samobor dobil tu titulu. Još se, prav-zaprav, ne zna kaj bu z tom titulom drugoga dobil. Morti samo obveze, morti i nekakva vekša prava, a morti i novce.

Samo jedno ne bude dobil, a tu mu nikakva titula, dekret, zakon, paragraf, odlucek, propis niti ukaz nemre pomoci. Ne bu dobil ljude. Ne bu dobil nekakve druge, velike ljude, ljude kaj bi išli uz veliki grad. Imal bu i dale svojih 35 jezer Samoborkih i Samoborcov, takvih kakovi jesu i kakovi su navek bili. Njih se ne da promeniti. I zato bu i dale Samobor ostal malo mesto, krležijansko i više nego kaj si misli i kaj bi mu bilo drago.

No, zapravo se niš tu ni promenilo, se je to isto kak je i navek bilo. To je prava naša tradicija, držanje starih navada. Samo kaj se to denes morti malo bolše vidi. Moderna tehnologija je ipak premenila nekaj, dala je priliku sakomu da zide van i da ga se cuje. Kada gnojnica scuri, more se ze slamom pokriti da se baš ne vidi, ali sejeno jednak smrdi.

Oni kaj se niti potpisati ne znaju, ili ne ufaju, sad imaju priliku z malo muke reširit glas i popluvati koga god oceju. Ta vekivecna zloba, jal, žalosno veselje da se drugemu pošpota, a ostane skrit, da se drugega dere, a on nek se onda pere, to je stalna mera naših odnosa prema sakemu koji je nekaj štel napraviti. Ne dati nikemu da zdigne glavu, da pokaže da nekaj zna, da nekaj more, da nekaj i hoce napraviti. Jer on to sigurno ne dela samo tak, on bu od tega nekakvu korist imal. Kaj bi njemu to dali, kaj bi mu tuliko platili! Ne, niti zabadav ne sme to delati! Zakaj nisu to meni dali! To, kaj se taj koji krici, ni potrudil niti da bi škole zbavil, niti da bi nekaj v življenju pokazal i napravil, to ni važno! Em smo si jednaki, em smo si gladni!

V takov glib verbalnoga blata greznula je vre vnoga glava, a vnoga bogme i bude. I ne bude nikega bilo ko bi zdignul glas, pak barem zaiskal da se pošteno i po pravici sudi. Nikega koji bi tima rekel da krivo povedaju, da zmišlavaju i lažeju. Makar imal mogucnosti da to napravi i makar dobro znal kak stvari stojiju. Ili da bi se pocekalo da se stvar okonca, da se ljude podupre dok nekaj delaju, pak onda da se sudi. Ne, Samobor spi. Najlepše je po strani stati i prigovarati, spacke delati i ogovarati. I kaj onda nadobudni bedak more? Trpeti dok ide i dok se da, a onda lepo povedati nek se to skupa ide vrit i nek si onda sami delaju. Ce oceju. A neceju. Najbolše je kada nicesa ni. Onda se pak more znova ceketati i kriviti drugega. A takvega novega bedaka se navek najde. Dok i njemu anonimci i oni kaj ih, tobože zbog objektivnosti i nepristranosti, fest podržavaju, se to skup ne zgadiju.

Saki onaj koji je nekaj probal napraviti i delati, jako dobro zna o cemu ja tu pripovedam. Oni kaj nigdar nisu niš probali, a i oni kaj silom prilika nekaj moraju delati, a poskrivecki to isto potkubavaju, isto znaju. Druge ionak ni niš briga.

Glavno da Samobor traje i da ostaje, onakov kakov od navek je. Mali, lepi grad. Koji nigdar nikega svojega po ramenu potapšal ne bude i rekel: Dobro je!

Ce je vami prav, i meni je. Zbogom!

3. veljace 2006.

• Registrirajte se za komentiranje
• Pregled komentara (0)