Glasnik-SSNInformativno glasilo Samobora i Svete Nedelje

Naš suradnik Romeo Ibrišević i dalje se vleče po selu u potragi za cipelama i kupicom rakije

Praf zapraf, to s cipelama je jače od Kokija

Čera sam pak bil pri Kokiju. To je onaj zgodni pes kaj ima nezgodnu narav. Pak sam videl pri njegovoj kučici lepu žensku čizmicu. No, to me više ni briga jer sam si kupil ormar za cipele. Pre nek idem spat, se cipele z dvorišta pospravim i mirno spim, jer znam da, bez obzira na koju se nogu vjutro zbudim, imam si kaj za obuti.

Gazda od Kokija me je počastil z rakijicom, kak se i šika. Pa po to sam i došel, jer si lečim duševne boli, a mislim si da me i Koki ima rad. Uglavnom, briga moja je prešla na nekog drugoga.

Pofalil mi se Zdenko da je Kokija opet fejst poštpotal i natukel tak jako da je bil sav črn. Al mislim da ni bilo baš tak, jer je Koki i dalje bil čisto beli... Pa zna se da pes dlaku promeni, al ne i čud. Rekel sam mu da ni lepo pesa špotat. Pa kaj on siromak zna! Nemre si pomoč! To z cipelama je jače od njega. Treba mu pesji psiholog, il kaj ja znam koji mu je bog. Uglavnom, Kokija u tom kraju svi znaju.

Priznam da sam si ja sad uz tu rakijicu nekaj mislil da svog Čuku streniram da i on počne doma nosit cipele, sandale il čizmice. Al samo ženske, do broja 36.

Zamišljam kak bi ja onda v Prinčevoj kak pravi princ sprobaval "drugaricama" cipelice. Ordiniral bi samo kad mi žena nebi bila doma jer moglo bi se desiti da bi se izuval v zraku, a dame da bi bežale niz breg, prek do Molvice. A ja bi prešel kak bos po trnju.

Nedaj Bože!

I da ne zabim povedat, da ak vam sfali kakva cipela, natikača il bilo kaj si na noge obuvate, a slabo čuvate, navrnite se do Kladja, u Zanatsku 41. Tam vas saki dan čekaju nove komadi lepih cipela, veseli jazavčar Floki i neumorni kleptoman Koki.

Romeo Ibrišević

• Registrirajte se za komentiranje
• Pregled komentara (0)