Glasnik-SSNInformativno glasilo Samobora i Svete Nedelje

Bili smo v berbi na gospodarstvu Koletića, Drageca, Marija i njihove familije

Jeziki su se mešali, al se nisu zaplitali

Došlo je i to vreme. Vreme berbe.

Makar, pesimisti veliju da je trsja se manje, da je to preteški posel, da mu moraš bit sluga, da se s tim mladi više nečeju bavit...

No, još ima gospodara, još ima društva, veselja, na jesen bu mošta, a posle i vina. Kojega pak, na kraju, ne bu bilo... Se se bu na pajdaše potrošilo. Ono pak kaj ostane, more se i lepo zapakirat pa prodat... I od toga se more fino živet.

Of smo put bili v berbi pri Pavlinu, praf zapraf na gospodarstvu Drageca Koletića, koji skupa s familijom, sinovima Tomislavom i Mariom te snahom Anitom vodi taj veliki posel oko Izletišta Pavlin.

Sega se tam finoga more probat, od domačega kuruznoga kruha, sira z vrhnjem, domačega nareska, juhe, race, purice z mlincima, svinjetine, teletine i divljači, do domačih kolača. I se se to zalije z vrhunskom kapljicom iz vlastitih podruma.

No, da bi se do kaplice došlo, prvo treba delat i delat, a onda brat.

I skupilo se ovu nedelu kod Drageca i familije veliko društvo dobro raspoloženih beračih. Posle oteščajca i kad se malo pregriznulo prešlo se na posel.

Bilo nam je malo čudno, činilo nam se da smo nekaj krivo čuli, al se med trsjem sako malo čula strana reč... I zbilja, pa to je poljski jezik! Pa i engleski... O čemu se dela, pitali smo Anitu.

- To su naši prijateli z raznih strana, koje poznamo več dugo - veli Anita i objašnjava da neke zna s postdiplomskog studija, neki kod njih leta i leta borave u Ždrelcu na Pašmanu, i tak... Na kraju se leta, pred jesen, okupiju na Vrhovčaku v berbi. Tu su Poljaci, Talijani, čak i familija iz Indonezije...

Lepo ih je bilo videt i čut, a najlepše je bilo na kraju, kad je se bilo gotovo, kad se selo za stol, blagovalo, dobro zalilo i zapopevalo.

Lepi sunčani dan je polahko išel kraju, a pred večer se več mogel osetit i friškiji zrak. Ide jesen, v podrumu je grožđe več pomalo počelo delat svoj posel, a za točno dva meseca, 11. studenoga, evo nam i Martinja. A zima bu duga i treba se dobro pripremit.

Onda pak znova...

Robert Škiljan

• Registrirajte se za komentiranje
• Pregled komentara (0)