Glasnik-SSNInformativno glasilo Samobora i Svete Nedelje

Naš suradnik Romeo zgubil je broj i nikak nemre najti svoju Jasminku

Nestala mi je ženska! Nažalost, ne moja.

Kad je stvar bitna, onda su slova u ugovoru sitna. I, kak mi je stvar postajala bitnija, tak mi se činilo da su i slova na internetu sve sitnija i da nikad ne bum našel tu gospođu. Znal sam joj ime i prezime, znal sam i broj telefona, onaj bitni – privatni. Sve sam si to zapisal na cedulju dok sam se vozil, a onda je ta cedulja prešla čez prozor. Prohujala z vihorom na autoputu.

Nis se preveč sekiral, kaj bum sad papir po autoputu pobiral..., još da me neki vrag kak mačku pregazi. Sam si mislil da njeno ime sigurno na internetu piše. Sve kaj na ovom svetu diše, o sakom na mreži nekaj piše. Na prvoj sam benzinskoj stal i iskal. To bum, mislil sam ja, smazal kak komadić kolača (piece of cake), al ispalo je da je najti ime samoborske komunalne redarke muka malo jača. Napatil sam se kak da sam išel peške od Samobora do Srema, al ime komunalne redarke Jasminke (zaposlene v opčini v Samoboru) na internetu jednostavno - nema! Upisujem u tražilicu ime Jasmina – tmina. Onda pišem Jasminka, komunalno redarstvo Samobor – pak niš. Pišu da su komunalni redari Ivan, Gojko, Zlatko. To sam našel glatko.

Pa valda ni od čera? Da ni gospođa Jasminka dobila nogu? Drugi zaključak izvesti ne mogu. Ni žena v zemlju propala! Valda ni čera otkaz dala? Morti mi je punac jutros preveč natočil, pak sam danas čoro... Upisujem i njeno prezime – Skoro. Je da mi internet dela sporo, al ni tog prezimena nema. Zbučkale su mi se od tolkog iskanja oči. Onda sam otkril da postoji i poljoprivredno komunalno redarstvo.

Ma sad bi več dal i carstvo za taj telefonski broj, al opet joj... Več bi po ledini rashital gnoj, prije neg pronašel taj vražji broj. Od silnih muških ministarstva nemrem najti jednu gospođu koja se latila komunalnog redarstva. Pišem u tražilicu i komunalno i poljoprivredno redarstvo, i dva put sam, da se razbudim, sam sebi stisnul čušku, al u svim papirima, dokumentima, redarstvima, nalazim samo čeljad mušku.

I u Upravnom odjelu za komunalne djelatnosti pobrojani su sami muški z okačenim diplomama – dipl. ing. građ. Al žensku kaj mi treba nemrem najti. Inače sam čul da je gospođa pristojna i fina. Pa ljudi moji, jel to moguče, da u današnje vreme imamo takve dileme. Skrili ste gospođu kak Pepeljugu, a najrajši bi vam rekel neku prostu reč drugu. I na službenoj stranici Grada sam iskal, al nigdi niš. Napustila me nada. U meni sada očaj vlada. Ak gospođa Jasminka još dela tu u toj poljoprivrednoj komunalnoj službi, pa denite ženi ime i kontakt na internet! Ni mi jasno kaj žensko ime nekom smeta. Pomislil sam vu jednom času da je Jasminka na nekom tajnom komunalnom zadatku.

Al jaj si ga meni jaj... Mislim da je razlog banalan – čisti šlamperaj.

Al nedam se ja lako - s Čudomerščaka sam se do grada prošetal polako, z noge na nogu i, fala Bogu, shvatil da na opčinu ne mogu. Na vratima jasno piše - ne dolazite više. Di da najdem gospođu imenom Jasminka, pojma nemam. Možda ju najdem do Blagovijesti (25. ožujka) il bum čekal dok na vrata ne deneju neke nove vijesti, ak bum do tada još pri svesti. Tu bum, blizu, v nekoj od birtija (naravno, na terasi!) - bum gledel i na interneta dok mi se mobitel ne zgasi.

Ak sretnete negdi Jasminku, recite da ju čeka onaj Romeo fotograf samo nek dojde - ne treba si deti ni šminku. Trebam ju službeno i dost mi je hitno - razmete, jako je bitno.

Romeo Ibrišević

• Registrirajte se za komentiranje
• Pregled komentara (0)