Glasnik-SSNInformativno glasilo Samobora i Svete Nedelje

Neke stvari bez gume jednostavno pošteno ne delaju

Lupal je dok ga nis oblekel

Žena je rekla da to ni potres, nek se vrnem doma. Vidla je da su prešla po cesti dva Fapa. A drmalo je ko u Bitki na Neretvi, kad je pala zadnja klapa. Zdrmal se celi Čudomerščak. Kak da trese osobno sam vrag. A kamioni su prešli po Rudarskoj dragi.

Nemrem vam reč kak to fejst drma. Ja skačem saki put kak mlada srna. Dok nismo znali kaj to točno drma, žena je bežala pod štok, a ja sam u dva skoka bežal van s flašom konjaka. I saki put kad imamo goste, a hiža se zdrma kak brodu na valovima krma, ja im pripovedam o starom dedi, kaj se je vozil v tramvaju i stajal kraj dečeca kaj je imal slušalice na vuhima i mirno sedel. Dedek je nervozno lupkal ze štapom po podu, u nadi da bu se dečec zdignul. Mali je pak rekel da nek si deda dene gumicu na štap, jer da ga to lupkanje nervira. Dedek je pak rekel malcu da mu je žal kaj njegov tatek ni imal gumicu, jer bi on sad imal mesto za sedeti.

I taj mi je vic otprl oči. Stvar sam rešil skrivečki, po noči. Bilo mi je dosta tog šahta kaj se klati na cesti, dok ritam ne uhvati. Ne razmem baš kakve to firme delaju te šahte kaj tak fejst zevaju, kaj da borbene popevaju. A morti su krivi i oni kaj ih postavljaju...

Bilo kak bilo, rešenje se nikad ni našlo ak se ni fejst pilo. Negdi v šupi našel sam od bicikla stari gumeni šlauf i navlekel ga na taj klimavi poklopac i stvar je sad "auf Wiedersehen".

Sad šaht manje svira, zvuk me više ne straši. Ja se sad mirno morem posvetit flaši. Ak bu se i dalje tresel, znam kam ga bum odnesel, pa se bu onaj kaj ga je postavil stresel.

Naravno da bum mu i gumicu donesel i objasnil kak se meče, i nek pazi da mu se ne zmakne dok ju ne utakne.

Romeo Ibrišević

• Registrirajte se za komentiranje
• Pregled komentara (0)