Glasnik-SSNInformativno glasilo Samobora i Svete Nedelje

Na Žumberku je zrasla lipa kojoj nema para

Ona "Gupčeva" je mala beba prema njoj!

Ta je travarica bila bajna. Kraljica rakijskih nauka - stvorila ju je ruka Milana Delivuka. A donesel je Milan još i kruha i luka. A pride kobasica fina, mesna - mam mi je postalo vruče i majica mi je postala pretesna. Žena me zove na telefona, pita di sam, a čujem po glasu da je pak besna... Ja sam ti, ljubavi, brzo doma. Samo da poslikam jednu lipu. Ona veli nek prestanem mleti i nek zaprem pipu. Ni verovala da sam još jutros prešel slikat i merit nekakvu lipu!

A da samo vidite to drevo! Ni vi ne bi išli brzo doma. Nasred sela Šobatovići stoji ponosno - još je cela! Slikal sam ju od korena do vrha krošnje. Milan si je oblekel se kaj je imal od narodne nošnje. Merili smo ju korakima - dvajst muških, a onda smo razvlekli metar pa vlekli okolo. Od rakije smo zaigrali i kolo. Onda smo zaključili da na Žumberku ima, fala Bogu, puno lipa, al da je ova največa. Rekli bi Dalmatinci: "...lipa si lipa, anđeli ti sliče...". Fala Bogu, tu ni kraj priče. Samo da ne dojde nekakvi "motorista" i od nje ne napravi drva metra bar trista...

Jer, ova je lipa dvaput veča od one najpoznatije, di su okrunili Matiju Gupca. Il smo mi krivo merili... Morti smo se i rakiji kaj zamerili. Milan metar drži, podnevno sunce fejst prži. Jedan pije, drugi toči. Toči Mile, toči - govorile moje su oči. Ni zmeriti takvu lipu posel lak. Da je to tak, merit bi ju mogel saki bedak.

Zadnje čega se sečam dok sam još videl metar bil je broj 9.

Bilo kak bilo, morti smo koji centimetar zmerili krivo, al to mi je v glavu došlo tek kad sam opal popoldan v krevet. Sečam se da smo zmerili tek opseg toga dreva. Od radosti Milan popeva. Haj, haj, haj, divan je Žumberak kraj. Jer, ona "stubička" ima jedva pet. Al' zato ima više otprilike sto let. Vojvoda Milan je rekel da ova pod kojom stojimo nema više od 400 ljeta. Samo da poživi, ovdi, nasred sela, fakat nikoga ne smeta.

Milan je štel da zmerimo i visinu, al rekel sam da nis zel drona, a on je pak, pod utjecajem travarice, rekel da bu on to zmeril u dva tri skoka... Pak on je direktni potomak slavnih uskoka!

Ja bum taj dan kad smo merili lipu pamtil do smrti. I to da dva dana nis mogel ravno hoditi po crti.

Vidim da lipa samo kaj ni počela cvasti. Se je isto kak je bilo i lani. Samo da z tom koronom prestanu. Onda bi lipu trebalo i krstiti. Najbolje travaricom. I neku tablu tu blizu deti, nek svi znaju oni kaj tuda prolaze i zimi i leti.

I grančicu lipe bum zataknul na Čudomerščaku za tram - kak sečanje na ovaj dan.

Romeo Ibrišević

• Registrirajte se za komentiranje
• Pregled komentara (0)