26.03.2020.

Obični samoborski streeter v šumi aute najde ko od šale

Auti jesu i rima štima, al mera ne vredi

Trsim se ja, al mi nekak ne uspeva. Htel sam od mog pesjeg bedaka napraviti pametnog vučjaka. Zadaća nije nimalo laka. Vežbali smo mesec dana, al od svega – banana. Sedi, lezi, šapu daj, ustaj, lezi, diž se, sedi. S tim ni bilo problema. A ja sam štel da on išče olupine. Da postane pes tragač, da bude kak oni cucki na državnoj granici, da se najde na naslovnoj stranici.

Vežbali smo i njuškali po autobusnoj stanici, slušali o olupinama, preslušali sve ekološke radio stanice. Pokazival sam mu slike v novinama, gledali smo i internet stranice. O, kak je taj pes glup! O, kak je taj pes tup! Al nis se ni ja dal lako. Vežbali smo dugo i polako. Obišli smo se hrđave stare frižidere vu kvartu, pokazal sam mu i CIOS-ovu staru kramu. Traži... Njuši... Vežbali smo dok ni shvatil kaj se od njega išče. Staru kramu njuši. Kaj se z njih grdo puši. Ajde, daj.. Di je keksić?

Kraj groblja u Otruševcu je ledinu preoral i raskrvaril si je pol njuške. Siroti pes, pa kaj si opal z ruške? Buš zroval zemlu do Kine, koronavirus ti ne gine. Mir, dosta... Stani! Dojdi, pogleč, imam pesjih bombona. Išči aute!

- Di su olupine?

A onda, kak da mu nekaj v glavi sine. Počele su mu na čube iti sline. Nis očima veroval – našel ih je bar 10 komadi. Ponosno sedi i vu mene kak u Boga gledi.

Vidim dvosede, terence, auti raznih fela. Gledam ja peseka, gleda on mene, repom maše kak da se pita: kaj mi pak sad ne paše? Kak je on to pronašel, tu ni 50 metri od groblja na Otruševcu, ni mi jasno. Ja bi razmel da je to neki vojni NASA vučjak, a ne ovaj pronađen prek twittera. Imam običnog samoborskog streetera. Čuko moj čukasti...

Ni mi bilo druge neg odustati. To jesu auti i rima mi štima, al mera ne vredi. Kak si tak glup, kaj ne vidiš, mjerilo je 1:39? Malkice me Čuko čudno gledi, ravno vu oči. Vidim, nemre si pomoći. Kak cucku objasniti da to jesu auti, al igračke. Rekel sam mu da ni za drugo, neg da ide naganjat mačke.

Z Čudomerščaka je svih devet letelo dole do Rudarske drage naglavačke, bez da ih je po boji biral. Malkice mi je to čudno.

A opče z njim to nis treniral.

Romeo Ibrišević

 

Obični samoborski streeter v šumi aute najde ko od šale

Arhiva 2020

2019

2018

2017

2016

2015

2014

2013

2012

2011

2010

2009

2008

2007

2006

2005

2004

2003

2002