19.01.2006.

AKCIJSKI PLAN za uspostavu Slobodne Fašničke Republike i inicijativa za FAŠNIČKU UNIJU ili 30 dana koji buju promenili svet!

Si oni kaj se buniju – skupa vu Fašničku Uniju!!

AKCIJSKI PLAN za uspostavu Slobodne Fašničke Republike i inicijativa za FAŠNIČKU UNIJU ili 30 dana koji buju promenili svet!

1. Niko nije iznad Fašnika, daklem saki more biti bedast i nor, samo kaj je treba jačati svest puka da sebe v norijam spozna i da si to prizna. V tem se smislu budu poduzele opsežne medijske akcije na senzibilizirajnu javnosti kak bi se smanjila potpora mudrijašima.

2. Protivnike Fašnika i njihovu doušničku mrežu treba „identificirati, locirati, uhititi i transferirati“. Kam, to se bude još vidlo, ali sigurno tam kam treba. Zato se buju pojačale akcije fašničkih snaga po tem pitajnu.

3. Oštro se je treba borit protiv curejna informacija o fašničkomu pokretu, a puno više treba delati na curejnu gemišta, pive, rakije i ostale tekuče okrepe za telo i dušu!

4. Ni za Fašnik saki koji pripoveda da je! Zato se i tu moraju stvari na čisto isterati, pak da mi vidimo ko je pravi norec, a koji se samo dela jer bi nekakvu korist zvleči štel!

5. Vreme ide kraju, pak se ne mre gubiti! Ov se plan mora ispelati v tridesetih dnevih. Zato je napravlen i Vekivečni kolendar Samoborskoga fašnika kak glavno sredstvo regulacije toga prevažnoga pitajna, odnosno konačnoga dekodirajna skritoga Komparetovoga koda, formule za dosezanje vekivečne istine o pravoj naravi Fašnika!

6. Suradnja z susednimi fašničkim zemlami, institucijama i pojedinim norcima je osnova pokreta za utemeljenje Fašničke Unije kakti jedinoga načina obrane neotuđivoga prava puka na norije, sir, vrhnje, češnjofke, kolinje i domaču rakiju! Nek vidi Evropa da i mi Šengen za obranu imamo!! Bogme, z rampami imamo velikoga iskustva. I z jedne i z druge strane! V našu se Uniju ne bu moglo masovno kak v partiju ili v hadeze, nego polako, jen po jen, da mi vidimo ko je kakov norec i je li vreden naše pajdašije. I kak je vre pokazano, ne mre s v Uniju na kredit, to se z gotovinom plača!

Bedaki noriju saki dan, a pametni samo na Fašnik!

Na svet dano 17. prezimca 2006., prvega dana Akcijskoga plana!

 
19.01.2006.

SRAKIN PROGLAS

Krojite, šivajte, farbajte...!

SRAKIN PROGLAS

Srakači moji,

kaj sedite doma vu toplom dok ja obletavam okolo da mi frca perje z repa! Vreme je da se zbudite. Spali ste leto dan, po gradu su vam postavili stupiće i rampe, oglasne stupove namesto mojega spomenika, pak ste valjda mislili da ne bum došla!!!

Makar si znamo da bu opet na lomači završil onaj kaj ni niš kriv, bar im bumo prije toga rekli se kaj ih ide, i nikoga kaj ni zaslužil u našu fašničku uniju ne bumo prijeli!!!

Moj ljubljeni Princ samo retko sme iz progonstva koju reč mi napisati, ali i tome se kraj bliži!!! Obećali su da bu 17. drugog meseca, u veljači, slobodan ponovo vlast preuzeti! A onda bu konačno i vama svanulo. Samo, nemojte taj veliki čas nepripremljeni čekati. Da ne bi slučajno i vi na skijanje prešli! Krojite, šivajte, farbajte! Dost su nama drugi krojili i farbali, vreme dolazi da i mi njima meru zememo!

I niš se ne bojte, u Slobodnoj Fašničkoj Uniji, kak i navek pred sakim vratima bumo pomeli, dušu si olakšali, a ja vas bum se skuševala i zeščipala tak da me celo leto ne bute pozabili!!!

Vaša jedina Sraka

 

AKCIJSKI PLAN za uspostavu Slobodne Fašničke Republike i inicijativa za FAŠNIČKU UNIJU ili 30 dana koji buju promenili svet!

SRAKIN PROGLAS

Arhiva 2006

2019

2018

2017

2016

2015

2014

2013

2012

2011

2010

2009

2008

2007

2005

2004

2003

2002