29.07.2020.

Fala, slava Ocu i Svetom Duhu, valjda i Sinu, kaj imamo tak lepu i zrihtanu Domovinu

Leta i leta zvlačim, a porezniki me razvlačiju!

Gospođa je bila vrlo ljubazna, rekla je da zove iz porezne uprave i nek dojdem malkice do nje da joj objasnim od čega ja to živim. Je, tak je rekla. Mislil sam si da je gospođa brižna pa me bu tješila glede moje teške financijske situacije. Morem vam samo reči da ne znam kaj je bilo gore: il' ona, il' virus korona. Jer, zanimalo ju je zakaj je moja porezna prijava u minusu i zakaj na kraju te prijave ni nacrtan veliki plus. Veli da se nebi ona z menom čula da je na prijavi bila napisana nula.

Tak dela ova porezna uprava od kad je izdana Zlatna bula.

Rekel sam da sam ja z Čudomerščaka, ni mi tatek bogati Rus.

Probal sam joj objasnit kaj delam, kaj slikam... ona je na to rekla da se ne voli slikati i da njoj ni jasno kak ja funkcioniram i zakaj se sad tak fejst žifciram. Nemre biti da tak puno delate, niš ne zaslužite i da ste još živi. Točka.

- Puno zujite, a malo meda dajete. Tak nemre biti - veli ona.

Pošpotala me je i samo kaj nis dobil po riti. I kak onda ne buš počel piti. Ja sam rekel da bi bez takvih pčelica svet za tri leta propal. Med ionak pobereju spretni vlasnici košnica. Htel sam ju pitati di ona živi i kaj ne vidi one šljakere kaj se deru vu škveru. Država im ne da ono kaj su zaradili, mučila ih je glađu dok nisu i zadnju kunu iz čarape zvadili. U prazno sam govoril da su olupine moj životni projekt, fiks ideja... Dok neki na veselje vudriju brigu - ja o tome delam knjigu. Muči me kakve su to naše glave koje pljuju u bunar iz kojeg vodu pijeju i još se smijeju. Neki nofce spiskaju na kocku, žene i piće - mene pak brinu hrđave fiće. Saki bedak svoje veselje ima. Gospođa samo levo-desno z glavom klima, al poreznu to niš ne zanima.

Morali smo onda još prejti do njene šefice da i njoj objasnim, pod točkom razno, kak ja to pretačem iz šupljega vu prazno.

Tolko putujem, a poreznu ne poštujem! Gospođo, iskreno, ni meni to ni sasvim jasno... Nekak se vlečem čez život, plazim kak glista posle kiše. Teško se snalazim. Puncu tu i tam trsje pošpricam, za benzin ga jedva nažicam. Strugaricu pokosim – litricu, dve beloga za doma ga naprosim. Da bum jemput imal velku lovu, takvim se snovima zanosim. A sad je tak kak je.

Preživlavam kak si hrvatski penzioneri, makar vi i ministar financija tvrdili da smo si milioneri.

Ja negdar zaslužim manje, negda više. Se tu pošteno piše. Moj vam je uspeh kaj mi žena ni prešla vu minus, a to je meni plus... Vi, kak ženske, znate kakav bi to onda bil minus! Gorši nek je ovaj vražji virus! A, uostalom, vu normalnoj nekoj zemlji porezna uprava bi meni trebala dati neki plusić. Nije šala - bez 16 000 olupina Hrvatska je ostala! Il mi bar reči: "Hvala". A ne da me moja zakonita sad uzdržava.

Gospođu poreznicu pak niš drugo ne zanima, nek zakaj se porezna prijava u minus klima i tak drugo leto - nekaj tu ne štima. Rekla mi je još da prihvatim sugestiju njenu: "Čuvajte si ženu, a bome i majku njenu".

A zna ona dobro kaj ja delam, kakvi su moji napori za Hrvatsku bez olupina... Je, čula je za akciju "Očistimo Hrvatsku od olupina - power by Renault", al za prijavu je rekla: "Halt!".

Morem ja govorit "kontra cilog svita", al prijava mora bit u plusu kad porezna pita. Videl sam joj samo oči prek maske i skužil da sam najebal do daske. Nemrem reč da gospođa ni bila fina. Slikovito mi je objasnila da moram biti kak i saka druga fotografska umjetničko - porezna duša. Na poreznoj mora biti plus il' sam ja dibidus.

I ja sam imal masku, al' vidim da mi sapunaju dasku. Makar nemam ni koronu ni sidu, brže sam rit okrenul zidu i prešel z porezne podvijena repa natraške. Mrmljal sam si da je i Van Gogh bil neshvaćena umetnička duša, ni za njega porezna ni imala sluha, siromak si je radi tega odrezal skoro obadva vuha... A za života bogec ni imal za koricu kruha. Praznik je bil kad je na meniju bila prežgana juha. I da mu ni bilo brata - del si bi štrik oko vrata!

Ja nemam brata pak mi od takvih misli v grlu malkice zapinje slina.

Na kraju je njen zaključak bil da je milina - il bum menjal prijavu ili me buju iz cipela zezuli.

U prevodu, buju me... I to bez vazelina.

Ja sam rekel da bum si o novoj prijavi razmislil, aparatlina sam na srčeko stisnul i samo kaj nis vrisnul.

Onda sam zapičil na Žumberak do Relića, pak do Pogane jame, posle stal kod staroga grada Okića, prešel sam i uz Gornji kraj, pa do Cerine, Hamora, Gluščić Brega... Celi Park prirode Žumberak sam obišel. Naslikal sam za tri vure olupina kaj CIOS ne bi otpelal u šest fura.

Zval sam i svoje veze z Mljeta, Visa, Iža - nek mi pošalju slike olupina kaj su ih kreteni skrili iza novih apartmanskih hiža. Prikupil sam brzo najnovije stanje glede olupina u Hrvata.

Priznajem, pomagali su mi i neki znani eko vegani, dok su mi oca i familiju spominjali svi domači Cigani. Poglečte i sami da se tu vidi lepo trenutačno hrvatsko ekološko stanje. Da ne velim kakvu bolju rimu.

A onda sam se vrnul do porezne, študirajuči kak se buju smilovale one porezne cure... Rekle su samo: "Bravo, baš ste dobar i mili, al' porezna prijava vam i dalje ni u pozitivi". Badava sam ja objašnjaval da su one mogle mirne duše sakom vlasniku te hrđave auto olupine poslati račune. Pa da vidim one kaj se bune, a ne meni (jer fejst putujem) prijateljski savjetovat da vrnem kune. Ja sam im pak rekel da provire tu prek meje i da sakoj dam po tri hiljade kuna ak vide da tam neka hrđava auto krama trune. Morti nakon tega i kod nas neki drugi eko vjetrić dune. Bar povjetarac...

Ma, tih mojih soma kuna sakom je tajkunu tek đeparac. Al dok bum ja to sve pojasnil - prejde život - već bum sedi starac.

Idem drugi keden zvlačit olupine od jutra do zore. Ionak nemam love za more. Ne stajem dok ne zvlečemo i zadnju hrđavu napravu. Nebum ja propal za tih par stotina kuna. Bil bum na pozitivnoj nuli - makar ne vozil Zelenka, nek jahal na muli!

I tak, dok sam se ja nadal da bum dobil morti kakvu toplu reč, ljudsku, bar malo "hvala", dobil sam moralnu pljusku - ispal sam bedak, da ne velim budala. Bil sam fin, iz porezne sam prešel kak sprešan, gospođama sam rekel pristojno "Lepa vam fala".

One su pak rekle da valjda nekaj vredi i slava. Valjda su mislile na slavu Ocu i Svetom Duhu, valjda i Sinu.

A ja sam samo mislil na lepu nam Domovinu.

Romeo Ibrišević

FOTO: Samoborski idioti u šume bacaju, a Romeo izvlači. Pa ga, za zahvalu i porezna zakači!

 

Arhiva 2020

2019

2018

2017

2016

2015

2014

2013

2012

2011

2010

2009

2008

2007

2006

2005

2004

2003

2002