Glasnik-SSNInformativno glasilo Samobora i Svete Nedelje

Ne daju dušmani, al ne daju ni konzervatori

Tu ni Tankovići, kaj su najjači, nemreju niš!

Saki dan gledam taj most i mogu reči da mi je toga več dost. Mislil sam kak je lepo kaj se neko konačno setil da most popravi, a sad radovi stoje na pol, ovak sa skelom, kak fol da se nekaj dela. Na sim portalima piše da je počela obnova mosta koji je simbol Samobora. Radovi su počeli prije više od tri meseca. Točno 8. kolovoza. Poglečte koji je danas datum, pak onda poglečte po mostu. Na krovu su štafle, a pod mostom retki turisti skrivaju se od kiše. Piše na tabli da se ne sme penjati na skelu, piše i gdo popravlja most, al nisu napisali istinu celu. Ono kaj fali je natpis na mostu da su radovi obustavljeni do daljnjega. Nije kriva korona, neg naš domači virus, takozvani pasmateri. Ili, da pojasnim, obični konzervatori.

To je ona ekipa kaj skuplja stare konzerve, a imaju debele nerve. Njihov je smisao postojanja da je zakon ono kaj je neko od njih napisal. Grehota je posumnjati jel to kaj pišu ima ikakav smisal. A negdo je od njih napisal da izvođač radova ni dobro most narisal. Konzervator ga je onda mam zato zbrisal.

A bit mosta je da prejdeš Gradnu, a ne zmočiš noge. Tak si ja barem mislim. Al konzervatorska misao je dublja. Vele da se u ovom slučaju čeka samo konzervatorska trublja. Za tri meseca napravili su glumci u onom čuvenom filmu novi most na reki Kwai. A ovaj naš bu gotov: "Jaj si ga meni jaj!" Ajd ti to bez konzervatora znaj. Morti za prvi maj. Morti bi ga stigli završiti do Dana grada kad bi radovi počeli sada. Samo da dojde kantautor, restaurator, kolaudator i njegov asistent. On bu donesel instrument kaj se zove most-vibrator. Proučili buju jel most vibrira, jer po mostu vojska mora stupat. A onda gospon konzervator pečat mora lupat.

Uglavnom, dok se ne utvrdi činjenično stanje, most ne sme niko dirati, a kamoli borbeni marš svirati. Po konzervatorskoj logici most mora biti stariji nek kaj je bil. Mili moj Božek, i onda neš pil?! Most bu se moral vrnut vu prvobitno sranje, jer ak se obnovi, onda to ne bu onak kak je negda bilo, a to nije konzervatorima milo.

A kak je bilo? Nekak je bilo, jer nemre biti da ni nikak bilo. Pa po mostu se vozilo i hodilo! Nekak je moralo biti, jer se inače ne bi do Lavice moglo iti i gemišta si spiti. A sad vele konzervatori da bi najbolše bilo da se most vu Gradnu hiti, jer tak obnovljen novi tu nemre biti. A ak bu tak kak oni vele, onda smo v riti, pa onda je najbolše da mam počnemo bermet na litre piti!

Bedastoče je teško razmeti, pak još to trezan gledeti, od jutra do mraka, i tak več 90 dana. Kak se meni čini, to bu tak do sledečeg svete Ane blagdana. Znači, još najmanje leto dan. Budi do tada dobri Bogec z nama i duhom restauratorsko - konzervatorskim.

Amen.

Romeo Ibrišević

• Registrirajte se za komentiranje
• Pregled komentara (0)