Glasnik-SSNInformativno glasilo Samobora i Svete Nedelje

Tragom TV priloga naš se novinar zaputil vu Divlje vode

Ekološka idila krojena pajserom

"Što se bijeli u gori zelenoj? Al' su snjezi, al' su labudovi? Da su snjezi, već bi okopnili, labudovi, već bi poletjeli; nit' su snjezi, nit' su labudovi..."

Garant nisu. Meni to se skup zgleda više kak "velka muda labudova". Jedino kaj nekak predugo tu stojiju. Morti su ti labudovi jako obdareni kad im jajca moreju tak dugo ravno stajati. Se se to lepo vidi z ceste kaj vodi iz Samobora prema Stojdragi. Vidlo bi se i bolje z one kaj vodi prema Šimrakima, al tam je opasno iti. Bilo je na televizoru da je jen gospon neku TV ekipu kaj su snimali lepote Žumberka skoro zmlatil z pajserom, po, da ne velim čemu...

A reportaža je počinjala miroljubivo: "Dva restorana, zoološki vrt, poni konji za jahanje, riblji vrt s ribogojilištem, sportski ribolov na šarana i pastrvu, čist zrak i gusta šuma objedinjeni su u Eko bio parku Divlje vode". Još su v tom prilogu rekli da tu ima i ljama, al onda je, budi Bog z nama, došel jen tip s pajserom i nastala je galama. Najme, novinar ga se je usudil pitat da kaj se to beli nasred zelene livade? Gospon z pajserom je podivljal i tak je ovaj siromak skoro ostal bez muda. Ne labud, nek taj novinar.

A kaj je uostalom i imal pitat kad mu je drugi sugovornik - taj kaj je i dopelal se njih do tud - lepo pojasnil: i gdo je tu hrpu kamenja, bačvi, najlona i sega drugog tu i kad dopelal. A on se je v to vreme (bez pajsera) mutav delal.

Bila je i policija, bageri, DORH, MORH i sa sila civila. I ja sam se čera po noći tud malkice prošetal pak sam skoro v grabu opal dok je bager tu gliboku jamu celu noć kopal. Više nejdem ni vu Pitome vode, ni u Selo Etno. Godinama sam tuda išel veselo i sretno, a sad brišem od tuda fletno.

Ak vas zanima, kak je to se bilo i da mi se to se ni snilo poglečte si na "Provjerenom" Nove TV. Bute vidli se.

Priča o ekologiji mi je prisela. Ko tu, kaj i kak dela znaju odavno sva okolna sela. I, makar su si odgovori znani, istražiteljima su strani i oni se več danima pitaju jesu li na slici labudovi ili pak možda njihovi organi.

Gdo tu koga, gdo su Turci, a gdo domači igrači, u ovoj zemli se dobro zna.

Ja nis na ničijoj strani. Ono kaj u sakoj takvoj priči fali su samo zdravi možđani, a navek nam prodaju pripovetku da su najvažniji labudovi vitalni organi.

Romeo Ibrišević

• Registrirajte se za komentiranje
• Pregled komentara (0)