Niste korisnik? Registrirajte se..
27.05.2023.
Saznali smo tko je najzaslužniji za uređenost samoborskih parkovaŽenske se nisu ni zašvicaleProtuletje je u punom cvatu i snagi pa več pomalo diši i na leto. Vreme je to za okapanje i prekapanje svega i svačega, od garderobe, do vrtova i polja, a kak je razvidno i - gradskih parkova. Imamo i kaj za videti... Na Trgu Matice hrvatske, pred Glazbenom školom, več smo zdaljega vidli da su se i naši komunalci primili posla. Glej kak štihaju, veli mi pajdaš, i pokaže na dve persone kaj su se zbilja pošteno primile posla. Prignute, v istom su ritmu u zemlu rivale štihače i, onak kak se spada, saki komad još par put presekle. I tak, dojdemo bliže, a kad smo šteli pitat "kak ide dečki?", v sekundi nam se drukčija slika pokazala... Štihale su to dve feš ženske, bez da bi se i zašvicale, cepale su i rashitavale tu zemlu kak nekavi, da ne velimo, muški... Pa di su vam dečki, pitali smo, na kaj je jedna samo mahnula z rukom, a druga je pak samo zdehnula: "A, velka je korist od njih...". I tak, kad šečete po Samoboru, kad vidite se te lepe rože i uređene parkove, nek vam je na pameti: se su to naše ženske napravile, a muški se rajše skriju v hlad, v nekakvu birtiju i tam se spominaju o politiki i sportu. Robert Škiljan
|
Saznali smo tko je najzaslužniji za uređenost samoborskih parkovaArhiva 2024
2023202220212020201920182017201620152014201320122011201020092008200720062005200420032002 |